Markii la xaqiijiyay in Gabriel Jesus garoomada ka maqnaan doono muddo kadib markii uu dhaawac jilibka ah ka soo gaadhay koobkii adduunka.
Riyada Arsenal ee horaalka ayay dad badan u maleeyeen in ay soo dhamaanayso sabab la xidhiidha tayo la’aanta badalka Jesus ee Eddie Nketiah.
Laakiin xiddiga ayaa muujiyay awoodiisa waxana uu taageerayaasha Arsenal ilowsiiyay maqnaanshaha Gabriel Jesus waxana uu dhaliyay goolal muhiim ah.
Eddie Nketiah ayaa Arsenal ku hogaamiyay Kulankii ugu weynaa ee ay ciyaareen kadib koobkii adduunka waxana uu laba gool ka dhaliyay kooxda Man United.
Kadib qaab ciyaareedkiisa cajiibka ah xiddiga Eddie Nketiah ayaa dagaal nooc kale ah dhex-dhigay xulalka England iyo Ghana kuwaas oo ku dagaalamaya xulkii uu xiddigu matali lahaa.
Xiddiga Eddie Nketiah ayaa dhalasho ahaan ka soo jeeda dalka Ghana laakiin waxa uu u soo ciyaaray heerarka kala duwan ee da’yarka ah ee xulka England.
xulalka England iyo Ghana ayaa la filayaa in ay xidhiidho kala duwan la sameeyaan xiddiga si ay ugu daraan xulalka 1-aad ee fasaxa xulalka ee soo socda.
Post a Comment